Ha?

Þetta var það sem mér datt í hug þegar ég las fyrirsögnina:

Upp á hvað er eiginlega verið að bjóða í barnafataverslun sem menn kippa af ??

Klippt í búðarglugganum

Löggan út fyrir verksvið sitt

Ég hélt að lögreglan hefði nóg að gera við hefðbundin löggæslustörf og ætti undir engum kringumstæðum að ganga inn á verksvið annarra.  Eða er það kannski í starfssamningum brynvarinna lögreglumanna að rífa niður gömul hús ?

Fékk hland fyrir hjartað

FRETNAGLI

Fleinahóll og faldaþúfa, Fretnagli og drulluskrúfa.

Bannað að leysa vind

???

Hvað bók ætli hann hafi verið að lesa ?

Óskað eftir neyðaraðstoð vegna hláturkasts

Skamm, skamm

Mikið er ljótt að heyra hvað Teitur Guðmundsson hjá Heilsuvernd hefur fram að færa varðandi veikindi fólks.  Ég tek fram að mér fannst hann svosem ekki segja að ALLIR væru að ljúga til um veikindi, en í viðtali við hann kemur fram, að veikindi hafi aukist undanfarið og það er eflaust rétt hjá honum.  En að ýja að því að fólk sé að svíkja út fé af vinnuveitendum eða hverjum þeim sem greiða á fyrir veikindi og slys, er beinlínis ógeðfellt.  Hann lætur sem það sé samt ekki hans skoðun og þannig losar hann sig undan ábyrgð ósagðra orða.  Hvað veit þessi maður um veikindi fólks sem verður að gjöra svo vel að hringja í Heilsuvernd innan ákveðins tímaramma og mæta þar misjöfnu viðmóti svarenda.  Ég þurfti að hringja nokkrum sinnum fyrir dætur mínar og mér var oftast tekið mjög vel, en þó kom fyrir að ég þurfti nánast  að færa viðkomandi símahjúkku sjúklinginn til sönnunar.  Það er vegna síðarnefnda viðmótsins sem dætur mínar, á meðan þær voru óharðnaðir unglingar, þorðu ekki að hringja sjálfar.  Þau símtöl voru í anda þess sem Teitur lætur liggja að, að við séum að svindla.      

Tíðari veikindi - Fleiri slys

Nussbaum

Ég heyrði eitt sinn um konu sem sat á biðstofu heilsugæslu.  Læknar komu af og til og kölluðu upp nöfn og alltaf stóð einhver upp og elti viðkomandi lækni.  Þessi kona sat lengur en flestir, en að lokum stóð hún upp og fór.  Einhver hafði orð á því að henni hefði ekki verið sinnt og hún því hrökklast burt.  En það var ekki alveg þannig, heldur lét hún sem hún heyrði ekki þegar nafn hennar var kallað yfir biðstofuna, því að viðbrögðin voru hlátur og augnagotur og fólk leitaði að eiganda nafnsins.  Henni var hins vegar ekki skemmt yfir viðbrögðunum þegar læknir kom og kallaði:  Hreinmey, gjörðu svo vel.  Fimmsunntrína og Lofthæna eru líka íslensk kvennöfn sem ég skil ekki að nokkurn langi að bera. 

Annars heita margir Þjóðverjar  nöfnum sem m.a.s. þeim hljóta að þykja neyðarleg eða ljót.  Mér þætti t.d. heldur súrt að heita Sauermilch ( Súrmjólk ), Bauer ( Bóndi ) eða Böse ( Reiður ).

Ég átti breska skólasystur sem hét Barbara Nussbaum.  Þegar hún var barn þótti henni leiðinlegt að heita Hnetutré og hún hlakkaði mikið til að eignast mann, því að hún ætlaði að losa sig við nafnið og taka sér hans ættarnafn.  En þegar hún eignaðist unnusta, kom í ljós að hann hét mun asnalegra nafni en hún.  Við lá að hún skilaði honum, svo mikil voru vonbrigðin.  Hvort hún gerði það, veit ég ekki, því að við týndum þræðinum og ég hef ekki heyrt frá henni frá því 1988.

 

Óheppileg nöfn

Stolt af stelpunni

Ég, bloggsauðurinn, kann ekkert með myndir að fara á blogginu og geri því bara eitthvað.  Það hefur virkað hingað til og mun sjálfsagt virka áfram.

Þessa mynd bara varð ég að setja inn, því að stúlkan á henni miðri ( sem bendir til suðausturs frá tölvuskjánum mínum séð ), er dóttir mín, sem var að stíga sín fyrstu spor á fjölunum.  Söngleikurinn Vínland var frumsýndur í Freyvangsleikhúsinu í gærkvöldi og við sem lögðum batteríinu til þessa upprennandi stjörnu, vorum að sjálfsögðu viðstödd ásamt stóru systur leikkonunnar.  Sýningin var skemmtileg, vel upp sett og góð í alla staði.  Ég legg ekki í vana minn að gagnrýna leikverk, enda lítið á  ferð í leikhúsum og hef lítið vit á, en í Freyvangi gærkvöldsins var gaman að vera og  móðurhjartað sló svo ákaft af stolti, að við lá að sessunautar mínir heyrðu það.  Og þó var tónlistin nokkuð hávær.  Þarna var á ferð, auk dóttur minnar, margt frábært, ungt og upprennandi leikhúsfólk og það voru örugglega fleiri móðurhjörtu sem slógu í takt við mitt.  Lái okkur hver sem vill. 

Ef þú ert á ferð um Eyjafjörð og veist ekki hvað þú átt að taka þér fyrir hendur, skora ég á þig að bregða þér í Freyvangsleikhúsið og sjá VÍNLAND.

Ég hlakka til

Það verður fróðlegt að sjá hvernig Spaugstofumenn hantéra þessa undarlegu uppákomu.

Láta hýða sig í mótmælaskyni

Góður sölumaður

Ef Che hin Kóreanska hefur efni á að taka bílpróf að jafnaði hvern virkan dag ársins hlýtur hún að vera frábær sölumaður.  Nema verðlagning á við þá sem við þekkjum eigi ekki við á hennar slóðum......

Féll 771 sinni á bílprófi

Hann segir að drengurinn gæti orðið hæfileikaríkur píanóleikari eða flamenkó gítarleikari

Nú skil ég af hverju ég get ekki spilað flamengo á gítar og kann ekki baun á píanó.

Fæddist með 24 fingur og tær