Hún er ljót..

..sko, kirkjan, ekki Guðríður.                                             

Margar nýrri kirkjur landsins minna í engu á kirkjur.  Það er svosem engin skylda að allar kirkju líti eins út, en það er stór munur á kirkju og verksmiðju.  Guðríðarkirkja líkist helst verksmiðju og mundi sóma sér vel sem steypustöð eða mjölbræðsla út með sjó.  Önnur kirkja sem ég man eftir í svipinn og líkist öðru en kirkju, er sú sem stendur í Mjóddinni í Reykjavík.  Hún minnir mig á indjánatjald og mér þætti hún flott sem þjónustumiðstöð á einhverju tjaldsvæða landsins. 

Guðríðarkirkja vígð í dag

Athugasemdir

[Stefán Erlingsson (IP-tala skráð) 7.12.2008 kl. 13:58]

Alveg sammála þér. Kirkjan er alveg forljót, og ekki er Indjánatjaldslagið á Breiðholtskirkju mjög kirkjulegt. Mig langar svo að bæta við tveimur forljótum kirkjum í Reykjavík, Neskirkju og Grafarvogskirkju, báðar tvær skelfilegar!

[Björn Magnús Stefánsson, 7.12.2008 kl. 14:00]

Ég fékk alveg fyrir brjóstið að sjá þig skrifa að hún væri ljót...

En veistu hvað, þetta er alveg hárrétt hjá þér. Hún er alveg hræðilega ljót og það er ekkert sem tengir hana við krikju t.d. turn eða annað bara til að halda í hefðina. Mér finnst að svona hús verði að hafa sína tign, en það er engin tign við þessa byggingu.

Mér finnst þetta smekklaus hönnun og alveg gríðarlega asnaleg.

[Hörður Steingrímsson (IP-tala skráð) 7.12.2008 kl. 14:50]

Ég er svo hjartanlega sammála, ég hef nefnt Grafarvogskirkju og Vítalínskirkju í Garðabæ sem ljótustu kirkjurnar fram að þessu en þetta slær öllu við. Mér finnst indjánatjaldið í Mjóddinni hins vegar bara fallegt hús.

[Axel (IP-tala skráð) 7.12.2008 kl. 15:02]

Ég skil hvað þið eruð að fara, það er svona aðeins of nútímalegur stíll á henni. Egilsstaðakirkja er annað dæmi um mjög nútímalega byggingu en mér finnst hún að vísu gullfalleg.

[Anna Dóra Gunnarsdóttir, 7.12.2008 kl. 15:13]

Nútímalegar kirkjur geta verið fallegar.  Kannski er ég gamaldags, en mér finnst að kirkja þurfi líka að vera kirkja utan frá séð, ekki bara að innan.

Hvað indjánatjaldið varðar, þá finnst mér það alls ekki ljótt og ég stend við þá sannfæringu mína að sem þjónustumiðstöð tjaldstæðis væri hún flott.

[Númi (IP-tala skráð) 7.12.2008 kl. 23:34]

En hver skyldi vera tignarlegasta kirkja landsins.?Er það einhver ein.?

[Víðir Benediktsson, 8.12.2008 kl. 17:45]

Hún er samt ekki svo ljót að hún toppi ofurbryggjupollann hérna sem sumir kalla Menningarhús.

[Ólafur Gunnarsson, 8.12.2008 kl. 18:57]

Góður Víðir, sammála þér forljót bygging á kolröngum stað

[Anna Dóra Gunnarsdóttir, 8.12.2008 kl. 23:01]

Einhvern tíma var ég um borð í flugvél sem flaug yfir svæðið þar sem ofurbryggjupollinn er.  Framan við mig í vélinni sat maður sem leit út og sagði snúðugt að þá væru þeir byrjaðir að grafa holuna fyrir hringleikahúsið.

[Númi (IP-tala skráð) 9.12.2008 kl. 21:44]

HÚSAVÍKURKIRKJA ER EIN AF FALLEGUSTU KIRKJUM LANDSINS.

[Anna Dóra Gunnarsdóttir, 10.12.2008 kl. 17:07]

Sammála