Erfitt mál

Það fer dálítið eftir móðurmáli einstaklinga hvernig þeim tekst að læra nýtt og erfitt tungumál. Sumir ná íslensku fullkomlega eða mjög vel en fyrir marga innflytjendur er íslenskan mjög erfið. Svo erfið, að sumir ná aldrei tökum á henni. Aðrir læra að skilja hana, misvel kannski, en nóg til að bjargast. Margir þeirra tælensku innflytjenda sem ég þekki og hafa lært íslensku að einhverju leiti, munu aldrei ná tökum á því að tala hana þokkalega, vegna þess að hljóðin í íslensku eru þeim einfaldlega allt of erfið. Við verðum að sýna þessum nýju Íslendingum þolinmæði og skilning, ekki hroka og mannvonsku. Við getum örugglega ekki ímyndað okkur erfiðleikana sem margir hafa gengið í gegnum og ástæður fyrir komu þeirra hingað, en þeir þurfa síst af öllu á því að halda að fá kalda strauma frá okkur við komuna til nýja landsins.

Getur ekki verið að við eigum einhvern þátt í því að sumt aðflutt fólk talar ekki betri íslensku en raun er ? Ég veit ekki betur en að við notum hvert tækifæri sem gefst til að æfa okkur í erlendum tungumálum um leið og við komumst í tæri við útlendinga. Hvernig væri að við töluðum íslensku við innflytjendur og legðum okkar af mörkum til að koma þeim inn í þjóðfélagið ?  Og eitt enn: tölum skýrt, ekki of hratt og veljum einföld orð og setningar og hjálpum þannig meðbræðrum okkar og systrum sem komu um langan veg í leit að betra lífi.

Íslenskan ein ekki lykill að samfélaginu

Athugasemdir

[Jonsi (IP-tala skráð) 10.5.2012 kl. 02:19]

Af hverjur líðum við það að málleysingjar og heyrnalusir tala ekki íslensku?  

Alvöru íslendingar tala íslensku !!

Höfum við ekkert til málanna að leggja fyrst það er ekki matreit á íslensku

- og við búum ekki einhversstaðar langt norður í hafi.

J.

[Jolnir (IP-tala skráð) 10.5.2012 kl. 17:47]

Það er algjört lágmark að læra tungumál þess lands sem þú ætlar að lifa í.

En fyrir utan það þá er mikið af þessum inflytjendum sem komnir eru hingað algjör sora lýður,fyrir stuttu réðust 15 af þessum andskotans pólverjum sem hingað eru komnir á bróðir minn,aldrei hef ég heyrt af slíkum aumingjaskap af Íslendingum og þætti mér best að halda landinu þannig.

[Anna Dóra Gunnarsdóttir, 17.5.2012 kl. 02:39]

Það verður því miður að viðurkennast að á meðal þess fólks sem hingað flytur, leynast líka menn og konur sem mæta í miður góðum tilgangi. Þeim myndu margir vilja skila.