Anna Dóra Gunnarsdóttir

Vafalaust var viðvörunin gefin út í svolitlu gríni og e.t.v. hálfkæringi, en Tanja Ýr er hugsanlega svolítið feimin að leyfa okkur að heyra enskuna sína, sem hún segir hreint ekki fullkomna. Ég verð nú bara að segja, að stúlkan sú hefur ekkert að skammast sín fyrir. Hún hefur ágætt vald á ensku, talar hana flumbrulaust og þó að hreimurinn sé íslenskur, gerir hann Tönju ekki síður flottan fulltrúa okkar í London.

Og ekki spillir fegurðin fyrir 

	Varar fólk við myndbandinu í Miss World
Ábyrgðarmaður færslu Tilkynna um óviðeigandi tengingu við frétt

Í stað þess að gera fólki kleift að sækja sjálft sín vegabréf og spara þannig Þjóðskrá Íslands sendingarkostnað sem gæti í versta falli hlaupið á verulega hárri tölu, skal því gert að borga háa fjárhæð fyrir að spara bákninu fé og fyrirhöfn. Skilur einhver svona fyrirkomulag? Getur einhver í leiðinni útskýrt fyrir mér hve erfitt það getur reynst að veita svokallaða flýtimeðferð sem veldur tíuþúsundkróna kostnaði á stykkið?

 

	Tölvan segir nei!
Ábyrgðarmaður færslu Tilkynna um óviðeigandi tengingu við frétt

Ég er Eyrarpúki og skammast mín ekki fyrir það. Þegar ég var unglingur heyrði ég í fyrsta sinn orðsporið sem af hverfinu okkar fór þegar einhver spurði mig hvort ég ætti heima í fátækrahverfinu.

Síðar á lífsleiðinni bjó ég við Strandgötu til margra ára og var einmitt búsett þar þegar dætur mínar fæddust. Þær voru stutta stund á leikskólanum Iðavöllum og þar fór vel um þær, fyrir utan smáræði sem angraði þá eldri um hríð. Á þeirra dvalartíma voru Iðavellir í gamla húsnæðinu, sem mér þótti hið besta mál. En konustrá eitt sem starfaði á leikskóladeild bæjarapparatsins, taldi að Iðavellir væru í heilsuspillandi húsnæði og fann því allt til foráttu. Hún skrifaði um þetta í bæjarblaðið og meðal þess sem fram kom í pistli hennar var álit hennar á íbúðarhúsnæði á Eyrinni almennt. Mátti lesa út úr þeirri upptalningu, að við byggjum flest við arfaslakar aðstæður og ég upplifði lesturinn þannig, að henni þætti við í meira lagi „lásí". Hún lét eiginlega að því liggja að við værum frekar fátækur stofn. Ekki svo að skilja að það angraði mig, en mér þótti kerla taka fullstórt upp í sig. Hún hefur trúlega haft hag okkar fyrir brjósti, en ég las ekki annað en hroka út úr greininni.

Við bjuggum í mörg ár við Strandgötuna eftir að þessi grein birtist og okkur varð bara ekkert meint af því, enda bjuggum við í góðu húsi og héldum því vel við. 

	Eyrin er gettó Akureyrar
Ábyrgðarmaður færslu Tilkynna um óviðeigandi tengingu við frétt

Börnunum er örugglega sama hvort tannburstinn heitir þessu nafninu eða hinu. Hann gerir tönnunum og eigendum þeirra gott og allir mega vel við una. Verður næsta skref kannski að banna tannlæknaheimsóknir í skólana til að tryggja að sá sem mætir fái ekki auglýsingu á sér og tannlæknastofu sinni ?

	Mega ekki gefa tannbursta í skólum
Ábyrgðarmaður færslu Tilkynna um óviðeigandi tengingu við frétt

Nú veit ég ekki á hvers vegum eða hvers lenskt fólkið var sem hafði veg og vanda að þessari ferð, en hafi það verið íslendingar, er mér ómögulegt að skilja af hverju þeir lögðu af stað með ferðamennina, því að þeir hljóta að hafa skilið veðurspár og fréttir. Það á ekki að uppfylla allar óskir og fara eftir öllu plani, sé það hættulegt.

	Rúta fauk út af veginum
Ábyrgðarmaður færslu Tilkynna um óviðeigandi tengingu við frétt