Nú má ég til að vera leiðinleg

Það er ekki oft sem ég set í bloggfærslu álit mitt á málfari blaðamanna, en nú er lag að vera svolítið leiðinleg.
Í fyrirsögn þessarar fréttar á mbl.is segir að rúta hafi farið út af vegi. Þegar ég las fréttina, var augljóst að rútan fór út af veginum og hafnaði í á, enda tekið fram að vatn flæddi inn í hana. Í sömu frétt er líka sagt að talið sé að rútan hafi farið út af og lent í ánni. Er það ekki augljóst að hún gerði það ? Æ, ég bara varð....

Rúta út af veginum í Langadal

ÉG....

....er umburðarlynd, létt í lund, kurteis, hógvær, kærleiksrík, hjálpsöm, bráðskemmtileg og gáfuð....og var að enda við að strjúka yfir appelsínuhúðina og skafa af mér háreyðingarkremið....

ójá

Skemmtilegra hjá þeim „ljótu“

Jamm

Þó að ekkert hafi enn komið fram um það með hvaða hætti fyrirhugað er að hagræða, bíð ég bara spennt eftir að heyra hvort þeim tekst að fjölga um leið og þeir fækka, líkt og þegar Gestur Einar Jónasson fékk reisupassann vegna hagræðingar og í stað hans komu tveir, stundum þrír aðrir í hið virka morgunsár.

Ekkert ákveðið um uppsagnir

Ofurböllur

Assgoti hefur verið stórt undir manninum

Mál kynfærakokks til saksóknara

Er það nóg ?

Ég sé ekki nefnt í fréttinni að til þess ráðinn embættismaður vinni verkið í því skyni að gera hjónabandið löglegt, nema athafnastjóri Siðmenntar sé sá rétti til þess.

Ég fagna því að allir hafi nú þann sjálfsagða rétt að ganga í hjónaband. Þegar það hafðist í gegn, var víða messað í kirkjum landsins og ég sótti slíka messu með vinkonu minni. Það var á Möðruvöllum í Hörgárdal og að messu lokinni var öllum boðið í kaffi í safnaðarheimilinu sem gengur undir nafninu Leikhúsið. Presturinn, sér Solveig Lára Guðmundsdóttir og maður hennar, sem reyndar er líka prestur, höfðu staðið í ströngu daginn áður og bakað helling af HJÓNABANDSSÆLU og var það eina meðlætið. Mér þótti þetta afar ánægjulegt, en fannst þó mætingin ekkert til að hrópa húrra fyrir.

Til hamingju Jana Björg og Jóhanna Kristín

Fyrsta gifting samkynhneigðra hjá Siðmennt

Hlutur kvenna

Svolítið sérstakt að tekið skuli fram hvers kyns ökuþórarnir voru. 

Lögreglan á Selfossi á þakkir skildar fyrir að jafna svona vel út stöðu kvenna í þjóðfélaginu.

Allar teknar á 112 km hraða

Hetjurnar þrjár

Það snart mig, þegar ég hlustaði á útvarpsfréttir í hádeginu, að forstöðukona Sundlaugar Akureyrar, sem talað var við vegna atviksins, hafði þónokkur orð um starfsfólkið og hvað gert verður í málunum gagnvart því, en vék ekki einu orði að þeim sem raunverulega björguðu lífi drengsins. Þessir þrír piltar sem sáu hann, björguðu honum og kölluðu eftir aðstoð, eru þeir sem barnið á líf sitt að launa.

Fer líklega af gjörgæslu í dag

Jahérna...

Trúlega hefur einhvern langað að láta barnið sitt heita Ebony, en ekki fengið af eðlilegum ástæðum. En mér þykir það vægast sagt hræðileg og ljót redding að búa til ónefnið Ebonney úr því.

Eldmar, Ebonney og Einbjörg leyfð

Gogg,gogg

Líf bóndans getur verið hart á köflum og erfitt þegar dýr vafrar burt og stefnir í að finnast ekki.
Það er gott að Gullbrá litla fannst og Beggi bóndi hefur tekið gleði sína á ný.
Stundum eru nærtækustu hugmyndirnar mesta snilldin, eins og nafngiftin á afurðum Begg-hænsnanna. Flottur bóndi og nýjasta uppáhalds hjá mér, því að ég væri líka með kýr, væri ég bóndi

Ungur bóndi býður upp á Begg

Er það ekki ljóst ?

Mér sýnist kisi litli vera búinn að velja sér fjölskyldu og húsbóna líka.

Laumukisi á átta líf eftir