Það var rétt,

um að gera að spyrða saman launahækkanir og verðhækkanir svo að kjarabótin snúist upp í andhverfu sína og enginn hagnist. Halló Noregur, hér komum við !!

Mjólk hækkar í verði

Jibbííí, rafmagnslaust !

Sem betur fer þykir það frétt ef rafmagn fer af í nokkrar mínútur. Ég man þá tíð að rafmagnið fór af sí og æ allan veturinn og mest þó á álagstímum í kringum jól og páska, þegar mamma stóð við eldavélina hálfan daginn og eldaði ofan í okkur hin, sem nutum þess að leika okkur í svartamyrkrinu sem svo skall á fyrirvaralítið.

Rafmagnslaust í 5 mínútur

Annað þarfara...

Vænna þætti mér um að sjá aðgerðir gegn símalánaþjónustu til barna. Þar er oftast um lægri upphæðir að ræða, en ég frétti af unglingi sem tók 10.000 króna lán í gegnum síma og þurfti að endurgreiða það á tveimur mánuðum með 18.000 krónum. Okurlán og ætti að skoðast sem lögbrot.

Kreditkort brjóta lög

??

Ég sá þennan borgarafund vegna FSA auglýstan í Dagskránni og furða mig á því til hvers hann skal haldinn. Í mínum huga er nokkuð ljóst til hvers sjúkrahúsin eru og hverjum þau eiga að þjóna. Af hverju þarf að hafa borgarafund og kanna hugi manna til þess HVAÐA þjónusta eigi að bjóðast? Er ekki markmiðið að hjúkra veikum og slösuðum? Bara smá „pæling".

Málefni Sjúkrahússins rædd á borgarafundi

Æææ...

Þó mér þyki ekki gaman að lesa um nauðganir, verð ég bara að segja Ha-ha-ha í þessu tilfelli. Loksins fær svona níðingur það sem hann á skilið.

Lést á meðan hann nauðgaði

Sálarmorð

Ekkert getur tekið aftur þær hörmungar sem stúlkan hefur lifað, sama hve mikið eitthvert glæpakvendi segist iðrast. Ég skil ekki af hverju afsökunarbeiðni getur mildað um nokkur hundruð ár dóm í máli sem þessu. Árafjöldinn sem maður hennar fær á sig, er svo annar undarlegur handleggur. Ekki það, að hann eigi annað skilið, en er ekki nóg að segja að hann dæmist í fangelsi til lífstíðar án möguleika á náðun, þar sem harla ólíklegt má teljast að hann verði enn á lífi eftir 431 ár.

Dæmd fyrir mannrán og nauðganir

Gott mál

Þennan samdrátt í reykingum má örugglega rekja til forvarna af ýmsum toga og er það gott. En að ætla að hefta aðgengi sjálfráða fólks að tóbaki á þann hátt sem nú er lagt til, finnst mér of langt seilst. Af hverju er ekki tóbak bara sett í áfengis og tóbaksverslun ríkisins og þar geta menn með aldur nálgast það, rétt eins og vínið. Þó ég fái skorpulifur og alls kyns kvilla af brennivínsdrykkju, sé ég ekki að mér verði meinað að kaupa meira af þeirri ólyfjan án framvísunar lyfseðils. Hver er munurinn? 

Ég hvorki reyki né drekk, þannig að það er ekki að trufla sálarheill mína að sjá þessa vöruflokka hverfa, en ég er sælgætisgrís og þætti skítt ef Nammiland í Hagkaupum legðist af, bara af því að ég hefði gott af að sleppa namminu.

Dregur úr tóbaksreykingum unglinga

Eyðum skynsamlega

Af hverju telja háskólagengnir menn að við hin vitum ekki hvernig raunveruleikinn er? Ég hefði kosið að sjá því fé, sem varið var af Íslands hálfu til rannsóknarinnar, eytt í eitthvað þarfara. Ég er ekki að lasta konustráið pólska, en var þörf á þessu?

Ungt fólk treystir æ meira á foreldrana

Skamm,skamm, Marta Smarta

Mín skoðun er þessi:  Mér finnst það út í hött að segja að Lydia Bright virki feit í fína kjólnum sínum. Hún ber hann vel og hann sýnir hve fallegur líkami hennar er. Aftur á móti sýnir samskonar kjóll Katrínar litlu Middleton, að hún er að horfalla. Hún er gullfalleg, stúlkan, en bara ALLT OF GRÖNN. Vonandi fær hún þá hjálp sem hún þarf svo sárlega á að halda, hafi ég rétt fyrir mér með heilsu hennar. Og ég vona einnig að Marta Smarta gæti orða sinna í framtíðinni, hvað varðar ungt fólk og útlit, því að umfjöllun sem þessi, er því miður til þess fallin að ýta undir lystarstol stúlkna.

 

Þessi kjóll er ekki flottur á öllum

Konur tóku andköf, hmmm.

Hafa karlar ekki vit á góðum söng ?

Annars hljómar þetta eins og saga af bresku hefðarfólki um þarsíðustu aldamót, þar sem karlar gengu til bókaherbergis, kveiktu í vindlum og sötruðu koníak á meðan konurnar héldu hópinn og kvíuðu ofan í sjerríglösin sín. 

Konurnar tóku andköf