Nú er ég of treg

til að skilja þetta.

Nafni er hafnað vegna þess að það uppfyllir ekki ákvæði laga um mannanöfn. Samt bera tvær manneskjur þetta nafn og er það tekið gott og gilt, þar sem það uppfyllir skilyrði vinnulagsreglna þeirrar nefndar sem hafnar því.

Getur einhver útskýrt fyrir mér

Mega ekki heita Xenía og Alexsandra

Athugasemdir

[Birgir Gudjonsson (IP-tala skráð) 16.3.2012 kl. 21:38]

Eru þetta aðfluutir Grikkir ?

Nafnið þarf að hafa verið borið af Íslendingi.

[Hansa (IP-tala skráð) 16.3.2012 kl. 22:26]

Þær bera báðar íslensk eftirnöfn (íslenskt karlmannsnafn + dóttir). Hvers vegna þessi ritunarháttur er ekki færður í mannanafnaskrá (eða hvers vegna fólk vill frekar hafa þennan ritunarhátt heldur en Alexandra (með engu essi)) skil ég hins vegar ekki.

Tja, ekki nema þá að þar sem að elsta dæmið virðist vera frá 2003, þá sé ekki komin hefð fyrir því að skrifa nafnið svona?

Annars:

http://www.rettarheimild.is/DomsOgKirkjumala/Mannanafnanefnd/nr/3349

frá 2010, þar sem mannanafnanefnd hafnar þessum rithætti og geri stutta grein fyrir því.

[Kristín M. Jóhannsdóttir, 17.3.2012 kl. 00:05]

Af hverju vill fólk yfir höfuð gera börnunum sínum það að þurfa að segja það sem eftir er ævinnar (þegar það hittir nýtt fólk): Ég heiti Alexsandra með bæði x-i og s-i. Ég efast um að svona foreldrar hafi farið í gegnum lífið þurfandi að stafa nafnið sitt, því ef þau hefðu gert það hefði þeim ekki dottið í hug að reyna að troða svona upp á saklaust barnið.

VIð höfum tiltölulega einfaldar reglur. Ef stafsetninginn samræmist ekki hljóðkerfinu er hún ekki leyfð. Við ritum aldrei x á eftir s-i. Reglurnar eru kannski gallaðar en á meðan reglur eru í landinu verður nefndin að úrskurða samkvæmt þeim.

[Karl Sigurðsson (IP-tala skráð) 17.3.2012 kl. 06:22]

Alexsandra er góður og gegn ritháttur í öðrum löndum. Stórhluti Íslendinga flyst af landi brott og þarf hvort sem er að eyða æfinni í að útskýra nafnið sitt, og það með stollti! Eins og Alexsandra litla hálf-pólska eða hvað hún er fyrst hún ber þetta nafn, á að fá að gera í friði fyrir ný-nasista fíflum sem vilja refsa fólki fyrir uppruna sinn með að banna því að heita almennilega í höfuðið á ömmu og afa og enn meiri ómennsku í þeim anda. Skammist ykkar bara! Ég sendi lögregluna á ykkur til að breyta nöfnunum ykkar og barnanna ykkar! Feels good, doesn´t it? Mannréttindi?

[Hansa (IP-tala skráð) 17.3.2012 kl. 09:35]

Og hvað hefurðu svosem fyrir þér í því, Karl, að þessar tvær Alexsöndrur séu af pólskum ættum?

Ef í þessu fælist nú munur á framburði væri skiljanlegt að fólk færi fram á þennan rithátt - svona eins og ef t.d. einhver frá Tyrklandi vildi frekar nefna son sinn Iskander heldur en Alexander.

Stutt leit á Wikipedia bendir annars til að þessi "xs" ritháttur er alls ekki algengur, og "pólska afbrigðið" er þar stafsett með "ks". Raunar má fullyrða að engin af þeim Wiki-síðum sem fjalla um nafnið nota "xs". Ef til vill nota einhver af þeim tungumálum sem skrifuð eru með öðru letri en því rómverska stafi sem má stundum umrita sem "xs" - en þar sem að það er nú ekkert ósanngjarnt við að ætlast til þess að nöfn fólks í Þjóðskrá séu þar skráð með rómversku letri, þá er heldur varla neitt við það að athuga, að fyrst verið er að skipta um rithátt almennt of yfirleitt, þá sé líka notast við innlenndar réttritunarreglur?

Fólk getur svo auðvitað í sínum persónulegu bréfum ritað nafnið sitt hvernig sem þeim sýnist hverju sinni. Með kyrilísku letri, fuþark-rúnum, grísku letri - og svo notast við margs konar gælunöfn og viðurnefni.

[Haukur Kristinsson (IP-tala skráð) 17.3.2012 kl. 10:23]

Af hverju þá ekki Xsantyppa, með essi, ypsíloni og öllu.

Ég held að foreldrar séu að vekja athygli á sér og saklausu barninu með kjánaskap.

[Anna Dóra Gunnarsdóttir, 17.3.2012 kl. 13:08]

Það er raunalegt, eins og Kristín M segir, að fólk skuli velja börnum sínum einhver ónefni. Hún bendir réttilega á að við burðumst alla ævi með nöfnin okkar, hvernig sem okkur líkar við þau. Ef ætlast er til að við förum eftir lögum og reglum um mannanöfn, verður að vera til skír og einungis ein stefna, en ætti jafnframt að vera til einhver leið til undantekninga, því að við verðum að reikna með því að slíkt komi til. Og til þess verðum við að eiga fólk sem treystandi er til að taka afstöðu til þannig mála. Sjálfri finnst mér undarlegt að sjá sumt sem frá mannanafnanefnd kemur, því að ýmislegt fær náð fyrir augum nefndarmanna, sem mér finnst fáránlegt að sjá, á meðan öðru er hafnað sem er alls ekki verra - og jafnvel betra. Ég get alveg fallist á að ritháttur ráði þar mestu, en ef ritháttur og íslenskar beygingareglur nægja til að samþykkja hvaða bölvaða vitleysu sem er, get ég ekki skilið hvað verið er að gera með heila nefnd um mannanöfn. 

Það sem ég skildi ekki við fréttina um Alexsöndru, er að tvær manneskjur uppfylla skilyrði um nafnið á meðan ein gerir það ekki. Hver ætli munurinn sé ?