Gott mál

Þennan samdrátt í reykingum má örugglega rekja til forvarna af ýmsum toga og er það gott. En að ætla að hefta aðgengi sjálfráða fólks að tóbaki á þann hátt sem nú er lagt til, finnst mér of langt seilst. Af hverju er ekki tóbak bara sett í áfengis og tóbaksverslun ríkisins og þar geta menn með aldur nálgast það, rétt eins og vínið. Þó ég fái skorpulifur og alls kyns kvilla af brennivínsdrykkju, sé ég ekki að mér verði meinað að kaupa meira af þeirri ólyfjan án framvísunar lyfseðils. Hver er munurinn? 

Ég hvorki reyki né drekk, þannig að það er ekki að trufla sálarheill mína að sjá þessa vöruflokka hverfa, en ég er sælgætisgrís og þætti skítt ef Nammiland í Hagkaupum legðist af, bara af því að ég hefði gott af að sleppa namminu.

Dregur úr tóbaksreykingum unglinga

Athugasemdir

[Sig R. (IP-tala skráð) 3.6.2011 kl. 17:00]

Ef tóbak verður gert lyfseðilskylt þá eru miklar líkur á því að undirheima markaðurinn mun þá taka við tóbaks sölunni og það mun

gera greiðari aðgang að tóbaki fyrir ungt fólk eins og er að gerast í dag með ólögleg fíkniefni.

[Anna Dóra Gunnarsdóttir, 4.6.2011 kl. 20:02]

Akkúrat, Sig R. Og það sem verra er, þegar reykingafólkið væri svo komið með annan fótinn í undirheimana, væri orðið hræðilega nærtækt að selja því annað og sterkara í leiðinni og festa það þannig í netinu. Nei, má ég þá heldur biðja um að allt verði óbreytt í þessum efnum.