Af handahófi ??

Eru ekki nöfnin í stafrófsröð ?

Nafnalisti frambjóðenda birtur

Tralla-lalla-laaaa

Í dag söng ég fyrir gesti og gangandi í menningarhúsinu Hofi á Akureyri. En ég hafði sko heldur betur söngfélaga með mér. 

Þarna voru á ferð kirkjukórar, kvennakórar, karlakórar, blandaðir kórar og kórar eldri borgara, alls tuttuguogþrír kórar víðs vegar að af Norðurlandi. Ég syng með Kvennakór Akureyrar, KVAK, sem steig á svið númer tuttugu af þessum tuttuguogþremur kórum. Mín tilfinning er sú, að við höfum staðið okkur með sóma og við fengum líka ágætar undirtektir. Við höfum yfir að ráða sallafínum kórstjóra sem heitir Daníel Þorsteinsson og á hann heiður skilið fyrir sína vinnu með okkur, en hann tók við góðu búi af Jaan Alavera, sem tók við jafn góðu búi af Arnóri Vilbergssyni, sem tók við...............o.s.frv. Í dag syngja í kórnum okkar u.þ.b. sjötíu konur frá tvítugu til sjötugs og rúmlega það.

Eins og ég skrifaði, tókst þetta allvel og ég fór heim harla sátt. Fyrsti kór söng um kl. tíu og svo tók hver við af öðrum til kl. átján, en þá skelltu kórarnir sér allir saman á svið og sungu „Yfir voru ættarlandi" og gerðu það svo glæsilega að áheyrendur klöppuðu okkur upp. Það var gaman, enda endurtókum við lagið.

Góður dagur að baki og ég geng til náða með bros á vör. En fyrst verð ég að benda á að við erum að fara af stað með jólaundirbúning og munum syngja tvenna tónleika fyrir jólin, aðrir eru svona hefðbundnir jólatónleikar í okkar anda, með góðum liðsauka ef að líkum lætur, hinir eru árlegir styrktartónleikar til handa Mæðrastyrksnefnd á Akureyri.

Kór, kór, kór,  

Góðar stundir.

Dexter

Þessi harmasaga er ekki það sem ég vildi fjalla um, heldur það, að fólki virðist líka fréttin. Notkun "like" takkans er eitthvað misskilin, eða ég er að misskilja lesendur....

Dexter aðdáandi fær lífstíðardóm

Jæja

Fyrir hvaða axarskaft ætli Axarskaft hafi verið lýst gjaldþrota ?

Axarskaft í Súðavík lýst gjaldþrota

Brosum meira

Það er frekar lítil ástæða til að brosa þegar hugsað er til geðdeilda sjúkrahúsanna. Þær eru, eins og annað, í svelti og í mörgum tilfellum ekki í stakk búnar að sinna þeim sem þangað leita. Framtak starfsfólksins er frábært og skilar vonandi einhverju marktæku. Samt er dapurlegt til þess að hugsa að þetta sé leiðin sem það þarf fara til að vinna skjólstæðingum sínum vel.

Bros getur gert kraftaverk

ÉG DÓ

úr leiðindum í dag.

Ég skrapp ásamt dætrum mínum í bakarí í bænum og við vorum allar nokkuð vel stemmdar þegar við komum inn.  En á því varð snarlega breyting þegar tvær ungar stúlkur birtust innan við afgreiðsluborðið og hér um bil spurðu hvað okkur vanhagaði um. Já, ég skrifa hér um bil,því að ég er ekki viss um að þær hafi yrt á okkur við komuna. Hins vegar mættum við raunalegu augnaráði beggja og ég hafði það á tilfinningunni að miklar hörmungar hefðu gengið yfir í lífi þeirra. Við nánari athugun fannst mér líklegra að þeim leiddist gífurlega í vinnunni og hefðu gjarnan viljað vera staddar annars staðar. Þegar ég sagði þessum lífsleiðu stúlkum hvað ég ætlaði að kaupa, fékk ég næstum því samviskubit yfir að vera að troða mér svona inn í líf þeirra, en ég held að þær hafi verið á lífi. Jú, það hlýtur að vera, því að ég fékk stuttaraleg svör við sumu sem ég sagði. Fátt var í boði, enda klukkan að verða tvö og engin ástæða til að eiga brauð alveg fram að lokun. Það er ekki sök þessara tveggja stúlkna og eftir á að hyggja var það kannski vöruúrvalið sem fór svona með geð þeirra. En víst er, að okkur létti við að komast út úr bakaríinu og ég held að innan við afgreiðsluborðið hafi sombíunum tveimur létt meira.

Bara fínt

Farið hefur fé betra

Enn einn nautabaninn slasast í ati

Faðir Waage....

....þú sem ert á himnum

Þagnarskyldan er algjör

Á sandölum á fjöll

Eitt sinn gekk ég með hópi fólks yfir einhvern fláka af háum heiðum í Frakklandi. Svosem engin erfiðisganga, en flestir sem í þessa göngu fóru, voru í sandölum, bandaskóm með hæl eða strandtöfflum sem hanga fyrir einhverja tilviljum við stórutá. Strigaskórnir mínir voru ágætlega til svona göngutúrs fallnir, en ég þurfti að styðja tvær konur, aðra í tréklossum, hina í spariskóm. Ég var ein fárra sem létu það eftir sér að taka útúrdúra og skoða annað en lítinn kindaslóðann sem gengið var eftir

Í fjallgöngu á strigaskóm

Nú væri illt til þess að vita

ef stjórnvöld settu lög á þetta verkfall, en ég gæti næstum því trúað þeim til þess, slík hefur framganga þeirra verið í ýmsum málum.

Slökkviliðsmenn boða verkfall