Almenningssamgöngur

Það var lán að aðeins einn farþegi var í Húsavíkurstrætó þegar hann valt. 
Samt þykir mér illt til þess að hugsa hve lítið Íslendingar notfæra sér almenningssamgöngur yfirleitt. Fargjöldin eru með slíkum hætti að fremur fáa langar að eyða klukkutímum saman í rútu á því verði. Hins vegar gætum við örugglega sjálf ráðið bót á þessu með því að nota þessa samgönguleið og gera hana þannig arðbæra. Þá hefst keðjuverkun og þá má lækka fargjöldin...vonandi.

Slasaðist þegar strætó fór útaf

Mannleysur

Hvurslags mannleysur eru við stjórn hjá útlendingaeftirlitinu?

það tók Roberto Julian Duranona ekki mikið meira en korter að fá íslenskan ríkisborgararétt, þar sem hann var landlaus. Mér sýnist á öllu að Lika sé í sömu stöðu, þar sem enginn vill kannast við hana í heimalandi hennar og hún á enga pappíra um tilurð sína.

Ég ráðlegg henni að fara að spila handbolta.

Ríkisfangslaus og án réttinda

Það var lagið !

Kominn tími til að  þeir hefðu uppá alvöru glæpaspíru sem hægt er að dæma í fangelsi.
Þá má gera ráð fyrir að smákrimmarnir sem leggja bankana á hliðina og hjálpa svo vel til við að rústa fjárhag heillar þjóðar, fái loksins frið. Þeir geta þá haldið áfram að dútla við að finna leiðir til að koma undan og koma sér hjá og losna undan og sverja af sér og kenna öðrum um og stela meira og svíkja fleiri og...og.....

Húrra fyrir dómskerfinu !!

Dó áfengisdauða hjá Jóa Fel

â€žÓ minn guð"

Ég ætla rétt að vona að við séum ekki að taka upp þann fjanda að snúa upp á hefðbundna röðun orða alls staðar til að vera í takt við enskuna. Það á alls ekki við og bein þýðing er út í hött í mörgum tilfellum. Á íslensku hljómar "oh, my god" svona: „guð minn góður". Þ.e. ef við ætlum að halda okkur við málhefðina.

Meðal þess sem tröllríður fjölmiðlum og er komið inn í málvenjur  Íslendinga, er þegar fólk talar um að taka sitt líf. Við eigum orðaforða yfir þá skelfilegu ákvörðum einstaklinga og getum haldið áfram að nota hann. Ég tæki aldrei mitt líf og að sama skapi vona ég að ég eigi aldrei eftir að stytta mér aldur.

Það unga fólk sem hlustar og horfir meira og minna á glamúrstöðvar sjónvarpsins sem í flestum tilfellum eru amerískar eða enskar, hlustar minna og minna á talað íslenskt mál og er að missa af lestinni. Þar fyrir utan held ég að íslenskukennsla í grunn -og framhaldsskólum hljóti að vera að dala, því að mér finnst alltaf fjölga menntuðu fólki sem hefur ekki vald á móðurmálinu svo gott megi teljast. Kennara vegna vona ég að þetta megi skrifa á ofannefnt sjónvarpsgláp.

Þið sáuð ekki nema helminginn

Gott mál...

... svo langt sem það nær.

Hætt er við að þeir flóttamenn sem dvalið hafa á Suðurnesjum við kröpp kjör og endalausan drátt á málsmeðferð, verði undrandi þegar fjöldi fólks verður tekinn fram yfir þá. Eða á kannski að ljúka afgreiðslu þeirra mála fyrst?  Þessi ljóta útlendingastofnun, eins og hún kemur mörgum fyrir sjónir, ætti e.t.v. að taka af skarið og reka af landi brott alla þá sem bíða þarna syðra, þar sem þeir virðast hvort eð er ekkert ætla að gera fyrir þá annað en að skera þá niður úr snörunum þegar þeir hafa gefist upp og sálarkaunin eru orðin of stór til að geta nokkurn tíma gróið.

Tillaga flóttamannanefndar samþykkt

Jæja,

Þeir verða þá orðnir fjórir, húnarnir.

Pönduhúnn kominn í heiminn

Skemmtilegt

Þetta þótti mér skemmtilegt að lesa. Okkur veitir ekki af smávegis upplyftingu andans við lestur skemmtilegra greina. Það mætti gera meira af því að birta frásagnir af skemmtilegum atvikum.

Mér varð, við lesturinn, hugsað til þess tíma þegar ég, á tvítugs og þrítugsaldri vann á lyftara og lenti af og til í því að útlendingar áttu leið hjá vinnustað mínum og tóku upp myndbönd af mér við vinnu mína. Það gæti verið gaman að finna einhvern gamlingjann úti í hinum stóra heimi sem hefur í fórum sínum hreyfimyndir af kornungri Önnu Dóru að störfum

Hittust aftur 39 árum síðar

?

Þetta var ósiðleg árás, ekki í anda íslam,“ sagði forsetinn. „Það er mikil grimmd að kasta sýru á ungar, saklausar stúlkur.

Undarleg ummæli forsetans. Getur verið að hann líti ekki á viðlíka árás á „sekar" stúlkur sem ósiðlega eða grimmilega ?

Bresku stúlkurnar brenndust illa

Mannasiðir

Ég verð aftur og aftur fyrir því í matvöruverslunum að komast ekki leiðar minnar fyrir starfsfólki sem leggur vögnum og vörubrettum í veg fyrir viðskiptavini, stendur svo hjá og haggast ekki þó að fólk þurfi að komast um. Þetta fólk er (stundum hægt og sallarólega, stundum á eðlilegum vinnuhraða) að koma vörum fyrir í rekkum og stendur fyrir þeim líka, þ.e. rekkunum. Svo virðist sem hvergi sé lögð áhersla á að brýna fyrir fólki að taka tillit til viðskiptavina að þessu leiti, en reyndar finnst mér það undarlegt að þess skuli þurfa. Auðvitað þarf starfsfólkið að fá svigrúm til að skila störfum sínum, en það er alveg hægt þó að annað vinnulag sé viðhaft. Þetta á alls ekki við um allt starfsfólk, sem betur fer. Og þá má minna á að einnig er nokkur fjöldi viðskiptavina þessara sömu verslana svo innilega í eigin tilveru, að þeir sjá enga ástæðu til að gefa öðrum kost á að komast um. Við getum alveg verið tillitssöm án þess að það skaði okkur.

 Í leiðinni langar mig að segja frá því þegar ég fyrir nokkrum árum hringdi í þjónustuver símans til að fá aðstoð við að tengja eða aftengja læsingu á hringingar í farsíma. Fyrir svörum varð ung manneskja sem ég vissi aldrei fyrir víst hvað sagði. Ég náði orði og orði, aldrei neinu samhengi og aldrei heilli setningu. Ég bað viðkomandi að tala ögn hægar og skírar, en það bar engan árangur. Auk þess, hafi ég þá náð því rétt, neitaði þjónustufulltrúinn að gera nokkuð fyrir mig, en sagði að ég gæti lesið mér til í símaskránni. Hvar, vissi ég aldrei, því að ég skildi ekki manneskjuna. Ég hefði auðvitað getað flett því upp, hefði ég haft símaskrá við hendina, en það hafði ég ekki. Þess vegna hringdi ég!

Jane

Hvernig er nafnið Jane upp á íslenskuna? Ég lýsi eftir beygingu þess.

Ævintýraleg mannanöfn leyfileg